نصائح لمن يريد دخول الكلية الحربية او الشرطة

الايام دى لاحظت بدايه انضمام دفعه جديده للبيدج لسه هيقدمو السنه الجايه ومتابعين من دلوقتى

برحب بيهم الاول واقلهم نورتو البيدج والفتره الجايه كلها بتاعتكو بمجرد ان مهمتنا مع الدفعه القديمه شبه خلصت ومهمتنا اننا كنا معاهم لحد ما وصلو للهيئه بعد كده دى حجه بتاعه ربنا ...

من الحاجات اللى ديما كنا بنلاحظها السنادى والسنه اللى فاتت ان فى رسائل كتير بتوصلنا من ناس بتقول .......

*انا عندى طبى حربيه كمان اسبوعين ووزنى زايد 5 كيلو
*انا اتحددلى كشف طول وقوام بعد بكره شرطه ووزنى زياده اعمل اى
*انا طولى 180 ووزنى 65 ومحتاج ازيد فى وزنى عشان عندى طبى
*انا وزنى مظبوط بس عندى كرش

يعنى هو فى ظابط محترم يبقى بكرش

ناس كتير اوى بتيجى تندم على نفسها فى الوقت اضايع

وواحد يجى يقولى انا سقطت قوام اعمل اى
هقولو اعمل التماس

طب بعد ما تعمل التماس هيحددلك التماس فى نفس الاسبوع

ايـــــه الجــديــد ..... مانت زى مانت متغيرتش

..............................................................................

اهم حاجه المفروض نمشى عليها نظام التغذيه بتاعنا

ناس كتير بتقول لا دانا فى ثانوى وبنزل كتير وبزاكر وبخس

لا متهيألك دا اكتر وقت وزننا بيزيد فيه هو وقت الثانوى ده

ممكن متاكلش فى البيت كتير ومتاكلش وجبات كتير .. بس اللى بيحصل انك بتنزل تاكل اكله من بره تيكاواى بتدمرك خالص
طول ماحنا ماشيين مع صحابنا بنشترى بيبسى وبنشرب قهوه وشاى

نيجى على الصبح نضربلنا طبقين الفول ونبقى احنا كده صحتنا زى الفل

خطر! خطر! خطر!
1- يجب تجنب الدهون والتقليل منها وليس الامتناع عنها
2-تجنب الاملاح والشطه زى المخلل والبيتزا والسندوتشات اللى بنجبها سبايسى
3-تجنب المشروبات الغازيه تماماااااااااااااااا دى اكبر مشكله ومش بتضرك فى الوزن بس
فى عصائر كتير شكلها مغرى اكتر من البيبسى ومش هتضرك
3-......
4-....... وكزا وكلنا عارفين اى اللى بيضرنا

................................................................................
تانى حاجه المفروض نهتم بيها جداااااا الرياضه

وكذلك بيجيلى رسايل
*انا عندى رياضى ومش بعرف اعمل عقله
*انا بعرف اعمل 10 ضغط بس ياترى دول هيعدونى
*انا جايب 95% بس جايب فى الرياضى 100 من 200
*واكبر مشكله واهمهم
انا مش بعرف اعوم ياترى لو نطيت قفزه الثقه حط هيطلعنى ...
لما انت اصلا مش عندك الجرأه انك تنزل تتعلم العوم
هتعرف تنط قفزه الثقه ازاى ... مع ان السباحه مش مطلوبه بس قفزه الثقه لااااااااااااااازم لااااااااااااااازم لاااااااااااااااازم

طبعا من االاحسن انك تشترك فى جيم وتتابع معاه نظام تدريبى
فى ناس بتقول لا انا هركز فى مزاكرتى وبعد ما اخلص اخش مركز تأهيل عسكرى
لا يبقى حرام عليك نفسك انك تسيب نفسك كل ده وتيجى فى الاخر تدفع مبلغ وقدره فى مركز تأهيل ومش هيفيدك فى اى حاجه ودحك على الدقون

قول مثلا انى اقتنعت بكلامك وان ده مش وقت جيم وان انا مش فاضى والكلام الكتير اللى سمعناه السنه اللى فاتت

انت عارف انك لما بتدخل السيبر مع صحابك ممكن تعد فيه وقت قد اى وانت مش حاسس .....

انت لو وفرت نص ساعه كل يوم الصبح من الوقت الكتيييييييييييييييير اللى بتضيعو ممكن تعمل فيهم كتير لو بدأت بجد وناوى بجد

عشان منرجعش نعيط على نفسنا فى الاخر ونثول اصل انا كنت فى ثانوى
مع العلم انا برضو كت فى ثانوى وكنت بروح النادى كل يوم وكنت بلعب بطولات وبسافر بره مصر .....

بس متعملوش زيي يعنى انا كنت بضيع وقت كتير فى الرياضه ومش بركز ف الدراسه

المجموع العالى فى الثانوى مطلووووووووووووووب جدا
خطر! خطر! خطر!

نعمل اللى علينا ونكون كاملين متكاملين من كل حاجه عشان ربنا يكرمنا
مش نسيب نفسنا ونرجع نقول دى كليه بنت وبنت وبنت ... وتييييييييييييت وانت اصلا كلك غلط

فى الاول والاخر ده نصيب بس انت اعمل اللى عليك عشان ربنا يساعدك وعشان توصل بسهوله
ومتبصش على الظلم اللى بيحصل ولا الواسطه الموجوده لان كل دى دوافع لورا خليك اقوى من كل ده مفيش احق من ربنا معانا

.......................................................................................

انا كتبت البوست ده عشان فعلا بدأت اشوف رسايل لناس جديده لسه بتسأل انا هعمل اى عشان اقبل فى الكليات العسكريه ...

متشغلش بالك من دلوقتى غير انك تظبط صحتك ويكون جسمك رياضى غير كده مفيش اى مشاكل كل حاجه بتعدى واحنا هنساعدك فيها لما التقديم بتاعم يبدأ

اخر بوينت هقولها طبعا كلنا متفقين عليها

الســــجــــايـــر ......
حتى لو فى حد وصلك ان السجاير مش بتبان فى الطبى
انت لازم تبعد عنها على قد ما تقدر سواء انت بتشربها او فى حد بتقعد معاه بيشربها ... هى مش هتضرك فى الطبى بس ...
لا دى هتأثر عليك فى الرياضى وهـأثر على سنانك وهتأثر عليك لما تدخل الكليه وتتنفخ وتعد تكح ويجيلك ضيق تنفس وتخبط دماغك فى الحيطه تقول يارتنى ما عملت كده ....
...............................................................................
اسفه بقا طولت عليكو اوى
يارب نتعلم من اخطاء اللى قبلنا
عشان احنا كل سنه بنشوف نفس المشاكل

وشكراااااا