الرياضى المتقم

***#‏رياضى_متقدم‬ ‫#‏طب_عسكرى‬ اخواتنا بتوع الطب العسكرى اللى رايحين بكره رياضى متقدم ربنا معاكم يارجالة شوية نصايح
نامو كويس مش اقل من 8 ساعات
وانت رايح تشرب كوباية لبن وتاكل 3 بيضات مسلوقة هتديك طاقة
متاخدشى اى منشط عشان هيبان فى تحليل الدم عرض عام
صلى ركعتين قضاء حاجة وخد معاك مصحف صغير اقرا قرآن وانت ف العربية وانت بتجرى هات اخرك تخيل نفسك لابس البدلة الميرى وتخيل فرحة ابوك وامك وهم بيقولوا لك حمد لله ع السلامة يا ح الظابط
اللى حصل معانا السنة اللى فاتت واللى ان شاء الله هيحصل السنة دى ان شاء الله ندوا على كل واحد وادوله كرت فيه رقم قيده واسمه مربوط فى سلسة قماش بتلبسها فى رقبتك وبتجرى بيها ولما بتروح بتسلمها للراجل اللى هناك
وبعدين هتروح حمام السباحة الجديد واحد تانى غير اللى نطينا فيه ثقة المهم هتدخل حمام السباحة هتسيب شنطنك على كرسى وهتحفظ مكانها وبعدين هتخرج تجرى ضاحية 2 كيلو فى طريق دائرى بحيث ان نقطة البداية هتكون من عند حمام السباحة وهى برده هتكون نقطة النهاية وبعدين هتخش ع الحمام تنط قفزة ثقة 7.5 متر مش 10 متر ومش عليها درجات واللى مش هينطها هو اللى هيسقط
الضاحية 2 كيلو حتى 7.5 دقيقة مركز اول 40 درجة من 7.5 دقيقة ل 8 دقايق ...مركز تانى 30 درجة من 8 دقائق ل 8.5 مركز تالت 20 درجة من 8.5 دقيقة ل 9 دقائق مركز رابع 10 درجات اكتر من 9 دقايق خارج الزمن 0 درجة اولياء الامور هيقعدوا فى مكان داخل الكلية وانتوا بتجروا وقبل النهاية بنص كيلو هتعدوا عليهم ابقوا خدوهم يشجعوكوا
بعد ماتخلصوا هيقولوا لكم روحوا وانتظروا رسالة وبعد حوالى يومين هتيجى رسالة ممكن يتحدد لكم فيها العرض العام اللى هيكون غالبا بعد اسبوع من الرياضى متقدم دا اللى حصل معانا بالظبط السنة اللى فاتت بس الطبى العسكرى كان ليهم قفزة ثقة بس من غير ضاحية